Mera Delhi ka darwana safar aur mama ne mujhe bachaya

Mera Delhi ka darwana safar aur mama ne mujhe bachaya
Share this Post

Mera Delhi ka darwana safar aur mama ne mujhe bachaya


Dosto, Esa hota raha jese ke ye bhoot pret mujh par jyada aakarshit hote hain Jisse me inki chapet me bahut ata hu. Mene kabhi kisi bhi atma ya bhoot pret ko saakshaat nahi dekha. Dekha hai to sirf sapno me wo bhi tab jab me unki giraft me hota hu. Shayad yahi kaaran hai ke mujhe insab baato ka jyada tajurba hai. or Tajurba bhi itna ki yadi kisi insaan par koi sawar hai to me uske haav bhaav se ye bata sakta hu ke uske koi devi devta savar hai ya koi bhoot pret. Khair esa tajurba to insaan ko ho hi jata hai.

Me apko ek ghatna batane jaa raha hu jo ki abhi November 2012 ki hi hai. Me ek exam dene Delhi gaya tha. Ghaziabad me wahan meri bua ji rehti hai to unke ghar par hi ruka tha. Mera exam centre Ashok Vihaar me pada tha. So Kanpur se ane ke baad agle din hi mene centre dekhne jaane ka plan banaya.

Mera Delhi ka darwana safar aur mama ne mujhe bachaya

Mera Delhi ka darwana safar aur mama ne mujhe bachaya

Mere cousin ko us din koi jaruri kaam tha to me centre dekhne akele chala gaya. Delhi ki sundarta ka to me wese hi diwana hu, isliye mujhe ghumne me bahut mazaa ata hai. Sabse pehle mene Dilshaad garden metro station se Kanhaiya nagar ke liye metro pakdi. Sabse achi baat ye thi ke metro ko bich me kahin change nahi karna tha. Karib 25-30 minut me main Kanhaiya nagar station pahuch gaya. Wahan se bahar nikla to wahan ka nazara kuch jyada acha nahi tha. Station ke bagal se hi ek neher behti hai jiska paani matmela hai magar naaale jesa ganda to katayi nahi hai. Ek trafic pul se guzar kar is neher ko paar karna padta hai.

Mene us neher pe jyada dhyan nahi diya or apne centre ki taraf bad chala thoda rasta bhatak jaane ke kaaran mujhe centre tak pahuchne me 2 ghante lag gaye the. Ye 2 ghante me sirf paidal hi ghoom raha tha. Kyuki map me dekha tha to wo centre metro station se jyada dur nahi tha.

Kafi puchhtachh ke baad mujhe wo centre mil hi gaya me kaafi thak chuka tha. So mene riksha karna better samjha. rikshe wale se kaha ke mujhe sabse paas wale metro station chhor de. Jis jagah me khada tha wahan se Kanhaiya nagar station dur tha isliye rikshe wale ne mujhe keshav puram metro station chhor diya.
Keshav puram metro station or Kanhaiya nagar metro station apas me jyada dur nahi hai bahut jyada duri huyi to karib ek kilometer hogi. Ek neher in dono station ke bagal se hokar guzarti hai.

Keshav puram metro station tak pahuchne ke liye ek chhota sa pul banaya gaya hai. Ye pul bahut hi achi tarah se nirmit hai ye neher ke paani se karib 4 feet ki uchayi par bana hai. Yahan kaafi shaant or sukun bhara mahol rehta hai. Me jab is pul se guzar raha tha to mujhe is neher ke behte paani or agal bagal ki hariyali ne kaafi akarshit kiya. Pani sirf matmela tha or logo dwara feke gaye puja ke fool usme tair rahe the. Me us behte paani or us pul ki sundarta me bandh gaya. Me thak bhi gaya tha so me wahin khada raha or paani ko nihaarta raha.

Abhi Mera man nahi bhara tha ke achanak mere bhayi ka phone aya usne pucha centre mila ya nahi rasta kitni der ka hai or bhi bahut kuch, Karib 2 minut baat karne ke baad jab mene time dekha to shock ho gaya, mene wahan khade khade 45 minut guzar diya the. Fir mene apne chaaro taraf dekha ke koi metro ka security guard kyu nahi aya mujhe rokne. Jab mene sab taraf dekha to wahan koi CCTV camera tha hi nahi to security kese aati.
Khair me wapas ghar aya, Mujhe baar baar us jagah ki yaad aa rahi thi. 26 november ko mera pehla exam tha. Us din meri writing speed dhimi hone ki wajah se mere kuch prashna chhut gaye jisse mera mood bahut jyada kharab ho gaya or mene school se nikalte hi metro station ke liye riksha kiya. Mujhe kuch samajh nahi aa raha tha, bas man me yahi dar tha ek ab saare exams me esa hi hone wala hai.
Us rikshe wale ne bhi lakar mujhe keshav puram metro station par chhor diya. Mene mobile me time dekha to 5:30 baje the shaam ke.

Mera Delhi ka darwana safar aur mama ne mujhe bachaya 2

Mera Delhi ka darwana safar aur mama ne mujhe bachaya

Mene us pul tak ka rasta taye kiya. Is baar bhi mere saath wahi hua me apna gussa apna kharab exam or ghar jaane ki jaldi ko bhool kar usi pul par khada hokar paani ko nihaarne laga. Me sabkuch bhool chuka tha. Jese ke pehle pyaar me koi premi apne saathi ke sath hokar sab kuch bhool jata hai bilkul usi tarah. Mujhe ajeeb sa sukun de rahi thi wo jagah. Me jese ek moh jaal me bandh gaya tha. Is baar mera moh bua ji ki call se tuta.
Unhone der hone ki wajah puchi to mene bataya k thoda rasta bhatak gaya hu isliye der ho gayi. Unhone sambhal ke aane ki salah di. Andhera ho chuka tha call end karne ke baad jab mene time dekha to 7:30 baj chuke the me 2 ghante se wahin khada tha. Is baar mujhe laga ki kaash me thoda or time de pata. Us din ke baad se jese me us jagah ke moh me bandh gaya. Ek premi ki tarah din raat me usi jagah ki yaad me khoya rehta. Exam ki taiyaari bhi kharab ho rahi thi mera next exam mera 29th november ko tha.

Fir 29th november aya, ek esa din jise koi mujhe dunia ki saari daulat dekar bhi dobara us din ko jine ko kahe to bhi me sirf “naa” kahunga.
Us din mera exam kafi kharab ho gaya mujhse 30 number ke prashna chhut gaye the. Us din mujhe kuch sath ke ladko ne apne sath chalne ko kaha magar mujhe us jagah ki yaad apni tarah khinch rahi thi.
Mene unhe bahut mana karne ki koshish ki magar wo mujhe apne sath le gaye or hum apas me baat karte karte Keshav puram ki bajaye Kanhaiya nagar metro station pahuch gaye. Uske baad mene us jagah jane ki sochi magar fir socha ke chhoro yaar baad me chala jaunga. Wese bhi mera mood paper kharab hone ki wajah se bahut kharab tha.

Ghar pahuch kar bhi mera mood thik na hua or fir us jagah na jaane ka pachhtava sa hone laga. Us shaam me jitni baar ankhein band karta mujhe wahi jagah dikhayi de jaati or mere dil ki dhadkane itni tez ho jaati mano ke bas kisi bhi waqt ruk jayengi. Mujhe hyper blood pressure ho gaya. Wo raat kaatna itna mushkil ho gaya ki me hi janta hu. Jab bhi me ankhein band karta dhadkane tez hoti chali jaati or mujhe wo jagah dikhne lagti. Me kayi baar lapet ka shikar hua hu magar is tarah ki tadap mujhe aj tak nahi huyi thi.

Haan ek baat jarur thi is baar mujhe us jagah na koi khada dikhayi diya na koi sapne me aya. Sirf wo pul or wo behta paani in dono ki tasveero ne raat bhar mujhe sone nahi diya. Sirf bechaini hi bechaini dete ja rahe the. Ghabrahat or tez dhadkano ne meri esi taisi kar di thi. Mujhe esa lagne laga tha jese mujhe us pul par na jane ki sazaa mil rahi ho.

Agle din tak meri halat inti jyada kharab ho gayi ke mujhe heart specialist doctor ke paas jana pada. Bahut famous doctor hai wo east delhi ke Dr. Rajeev Gupta. Jab mene unke hospital pahuch kar apna bloodpressure check karaya to mera bp us waqt 240 tha. Mere man me khayal aya ke kal raat to isse bhi jyada bechaini thi us waqt mera bp kitna raha hoga, or raha bhi hoga to mujhe heart attack kyu nahi aya.
Fir mujhe ye ehsaas hua ki shayad me kisi chapet me aa chuka hu, Kyuki bade se badi tension ne bhi kabhi mujhe itna bechain nahi kiya tha. To fir sirf us jagah na pahuch pane ki tension mujhe itna kese tadpa sakti thi.

Us raat mene kanpur me rehne wale apne mama ji ke dost ko phone lagaya. Me unhe bhi mama hi kehta hu, Unhone kayi baar meri esi lapet se nikalne me madad ki hai. Jis waqt mene unhe phone lagaya us waqt wo khana kha rahe the. Mene unhe saari baat saaf saaf bata daali.

Or wo khana khate khate haami bhar rahe the, mere batate batate unhone apna khana khatm kar liya tha. Meri puri baat sunne ke baad jese hi unhone kaha ke “Thik hai beta, hum abhi dekhte hain.”.
Itni si baat kehne me na jaane kese unki jeeb unke daanto ke niche aa gayi or unhone phone kaat diya.

Mera Delhi ka darwana safar aur mama ne mujhe bachayaKuch der baad meri bua ji ke paas phone aya. Unhone bataya ki jab wo mujhse apni akhiri baat keh rahe the unki jeeb unke daanto ke niche aa gayi or khoon nikal aya. Us waqt wo khana bhi kha chuke the tab bhi.

Meri bua ne iska kaaran pucha to unhone kaha “Us par wahan ki kisi chiz ka asar hai, joki ki koi chhoti chiz nahi hai. Jisne baat karne me hi mera khoon le liye wo bahut kuch kar sakti hai. Isse nipatne ke liye mujhe thoda waqt chahiye. Kyuki Delhi or Kanpur me kaafi duri hai isliye.”
Us raat bhi mujhe wesi hi tadap ne apni aagosh me le rakkha tha jesa ki pichli raat ko tha doctor ne mujhe nind ki dawaa bhi thi magar uska koi asar nahi tha. Mere saath saath meri bua ki family ko bhi jaagna pada.

Agle din un mama ji ne mere pita ji se kuch samaan mangwaya or kuch or paise le kar un samaano ka prabandh kiya wo jo mere pita ji nahi laa sake the.
Me wahan tha nahi isliye me ye na dekh saka ke mama ji ne kya kya kiya. Bas itna hi suna ke unhe utaar ki puja karte waqt unhe apni ungli kaat kar apna khoon bhi dena pada tha. unke utaar ka mujh par accha asar hua or mujhe chain ki neend aane lagi. Mene do din ki nind sara din or saari raat so kar puri ki. Doctor ki dawaa karib ek mahine tak chali uske baad band ho gayi.

Wese to mama ji mujhe aram se us jagah guzarne ki izaazat de di thi. Lekin me apne saare exam dusre raasto se dene gaya. Dubara us Keshavpuram metro station par naa hi utra na wahan se kabhi wapasi ki.

Jab me wapas kanpur gaya to un mama ji se mila or pucha ki unhone meri khatir apna khoon tak kyu nikala.

unhone jawab diya “bas kuch kaam karne hi padte hai, agar me wo thoda sa dard sehkar apna khoon na nikaalta to tumhe or mujhe dono ko kafi nuksaan ho sakta tha.”
fir mene pucha “Mama ji wo chiz kya thi?”

unhone has ke jawab diya “Bas ye jaan lo beta koi tum par fida tha.”
Mujhe hasi aa gayi fir mene pucha “Mujhe to sapne me bhi koi nahi dikha us jagah ke siwa to wo kya tha please batayiye na?”

unhone samjhate huye kaha “Beta me bataa to du ke wo kya tha or tumhare piche kyu tha, magar fir tumhari jigyasa tumhe dubara wahan le jayegi or fir agar tumne usme dubara ruchi dikhayi to wo tumhare liye nuksaan dayak ho sakta hai. Wese wahan tum aa jaa sakte ho magar ye mat jaano ki wo kya tha kon tha. Is baat ko bhool jao.”

Mama ji ki is nasihat ko mene apnaya or dubara kabhi wahan na jaane ka faisla liya. Mujhe do teen din me dubara Delhi jana hai or is ghatna ko yaad karta hu bas man se mama ji ki lambi umar ke liye dua nikalti hai.


“Mera Delhi ka darwana safar aur mama ne mujhe bachaya” पसंद आयी तो हमारे टवीटर पेज को फॉलो जरूर करें ।

Pinterest.com/cbrmixofficial

Twitter.com/cbrmixglobal

More from Cbrmix.com

Also read :   दीपावली का सामान हिंदी कहानी एक माँ के ऊपर

Leave a Reply

Your email address will not be published. Required fields are marked *