Kanpur ke Civil lines me Gora Kabristan ki ek darawani sacchi bhutia ghatna

Kanpur ke Civil lines me Gora Kabristan ki ek darawani sacchi bhutia ghatna
Tags:
Share this Post

Kanpur ke Civil lines me Gora Kabristan ki ek darawani sacchi bhutia ghatna


Saal 1999 ki baat hai, ek 25 saal ka admi jo ki kanpur pehli bar aya tha. Wo army se tha or kanpur cantt me uski duty fix huyi thi.
Station par utarne ke baad usne golf course (jo ki cantt se laga hua hai) tak ke liye riksha karna chaha magar koi jaane ko taiyar na hua. Usne thak haar ke akhir kaar ek riksha jyada daam par taye kar liya. Uska sirf yahi karan tha ki wo is sheher me naya tha or itni oochi post par nahi tha or usne koi gaadi cantt se bulaya bhi nahi tha.

Kanpur ke Civil lines me Gora Kabristan ki ek darawani sacchi bhutia ghatna

Kanpur ke Civil lines me Gora Kabristan ki ek darawani sacchi bhutia ghatna

Fir wo rikshe se baithkar golf course ki taraf chal pada. karib 20 minute baad wo golf course pahuche. Magar rikshe wale ne rikhsa chalana jaari rakha ye soch kar ki use shayad thoda aage jana hoga, jahan utarna hoga wo khud bata dega. Jab wo kuch bhi nahi bola to rikshe wale ne usse kaha “Babu ji, Golf course yahi hai. yahan uterenge?”
Usne jawab diya “haan thik hai yahi utar do.”
wo apni majil se thoda age aa chuka tha use golf course ke pehle gate ke samne wale road se andar jana tha magar aage aa jane ki wajah se wo thoda rasta bhatak gaya.
Wo jahan utra tha waha se use ek rasta andar jata dikhayi diya usne samjha shayad yahi wo rasta hai jahan se use jana hai. Wo aage badne laga, wo jagah ek chhoti basti jesi thi. Wahan par us waqt bijli gayi huyi thi magar chaandni raat hone ki wajah se use jyada dikkat nahi huyi raste par aage badne me. Galiyo me esa lag raha tha mano koi rehta na ho. Kuch dur chalne par use thodi ahat mili jese ke kuch log apas me batein kar ho, is awaz se usne andaza lagaya ki yahan log rehte hai. or man hi man sochne laga ki kese log hai kam se kam ek laalten to jala hi sakte hai.
Khair wo age badta raha, basti khatm ho gayi magar usne chalna jaari rakha. Use thoda shak hua ki wo rasta bhatak gaya hai, ye area cantt se bahar hai warna itna viraan na hota. Wapas jaane ka khayal karte karte wo thoda aage badha wo man hi man socha raha tha ki kash koi mil jaye taki wo rasta puch sake.
Kuch dur par use ek boundry si dikhayi di jo ki karib 4′ oochi hogi. usne socha shayad koi ghar hoga or badta gaya. Fir waha use kuch roshni or log nazar aye. kuch log boundry ke andar or kuch log bahar ghumte huye dikhayi diye. Usne thode lambe kadam badaye or un tak pahucha magar unhe dekh kar hairan reh gaya. Wo saare kafi purane riwaz ke suit me the jinme kuch aurate bhi thi. Use laga ki wo hindustaan me hai hi nahi wo sare gore angrez dikh rahe the. Unhe is tarah dekh kar wo hairan hua fir usne socha ki ye shayad cantt me army ke kuch videshi mehmaan hain jo yahan par shayad raat ke khaane ke baad tehel rahe hain.
Usne aage jaake karib 6′ lambe ek admi se angrezi me pucha “Kya cantt yahi se shuru hota hai?”
Us admi ne bade gour se pehle use dekha to use dubara apna wahi sawal dohraya.
Is bar usne maathe par shikan laate huye keh diya ke use nahi pata. or wo usse koi or sawal na kare kyuki use Indian log pasand nahi hain.
Uska ye roub dekh kar use bahut gussa aya magar sarkari mehmaan samajh kar wo chup raha or age badkar kisi or se puchne ki sochi.
Wo hairaan bhi tha ki yahan koi hindustani chehra nahi dikhayi de raha tha use. Fir usne ek ladke ko apne sawal ke liye chuna jo ki umar me karib 22 ya 23 saal ka lag raha tha. Karib 6’4″ uski uchaayi rahi hogi. kala coat jo piche se ghutne se thoda niche tak tha, sunehre baal, or Gora chehra jo ki chamak raha tha.
Usne us ladke se english me pucha “Kya cantt jane ke liye ye rasta sahi hai?”
Ladke ne use ajib tarah se dekha or english me jawab diya “ye to humari jagah hai, tumhe yahan dar nahi lag raha?”
Usne fauji andaz me jawab diya “Dar or apne hi area me? ye cantt hi hai na?”
Us firangi ladke ne fir jawab diya “Khushnaseeb ho jo darte nahi ho warna yahan ane wala koi wapas nahi jata. Acha hoga ki kisi or ke dekhne se pehle usi raaste se laut jao or piche mudkar bhi nahi dekhna, warna koi bachane wala bhi yahan nahi milega.” ye sari baatein unke bich english me huyi.
Isse pehle ki wo fauji us firangi ki baat par koi pratikriya deta wo firangi ladka muda or wapas jaane laga.
Usne agle pal jo dekha usse uske hosh ud gaye us firangi ka sar ke piche ke hissa karib adhe sar se kaan ke piche se hote huye gardan tak nahi tha. Uske sar se khoon beh kar uske coat k upar aya hua tha.
Achanak uski tange kaanpne lagi wo usne wapas daud laga di usi raste par jahan se wo aya tha. Daudta hua wo usi basti me pahucha or gir kar behosh ho gaya. Uski dar ke maare awaz tak na nikli. Jab subah use hosh aya to us basti ke logo ne use ek chaarpayi par leta rakha tha or charo taraf se gher kar use dekh rahe the.
Tabhi unme se ek bujurg ne halchaal or esi halat ki wajah puchi.
Usne sab kuch sach sach bata diya, din ka waqt tha or itne logo k bich hote huye bhi uski ankho me dar dikh raha tha.
Fir us bujurg ne use wahan ki sachayi batayi
“Wo Angrezo ke zamane ka kabristaan tha jiski boundry ki diwar usne dekhi thi. Use ab log gora kabristaan kehte hai Kyuki wahan sirf angrezo ki kabr hain. Un sabki atmaayen aaj bhi wese hi bhatak rahi hai jese ke wo bachpan se sunta aya hai. Wahan par angrezo ki kabren azadi se pehle or baad dono waqt ki hain. Wahan par shayad hi kabhi koi hindustani dafn kiya gaya ho. Wahan us kabristan ke andar koi nahi jata, agar kabhi koi gaya bhi hai to kismat ki wajah se wapas lauta hai. Behtar hoga ki jab tak tum yahan ho us taraf dubara kabhi mat jana.”
usne apni jaan ki khair manayi or dubara us taraf kabhi nahi aya. Ye baat usne sabhi ko batayi or is baat ke ek gawah dwara hi mene ye puri jankari li thi.

Dosto Wo Gora kabristaan aj bhi wese hi viraan sa pada hua hai, dekhne me sirf kabr hi kabr nazar ati hain. Mene us jagah ko kafi jyada dur se dekha hai. Wo basti us kabristan ke paas hai uska naam Bhajja Purwa hai, Aj bhi waha jaane ko koi himmat nahi karta. Aksar Wahan kayi angrez din me bhi khade dekhe jate hain. Or raat me wahan jana to matlab maut ko dawat dena hai. Wahan se bachte hain to sirf Khushnasib.

Wo jagah google maps me bhi dekhi jaa sakti hai, mene kayi baar us jagah ko google par mark karne ki koshish ki magar nakam raha.

Lekin me ye salah nahi warning dena chahunga ki kabhi bhi us jagah ko azmaane ke liye uske paas na jaaye. kyuki wahan ki atmaaye waqt nahi deti.


“Kanpur ke Civil lines me Gora Kabristan ki ek darawani sacchi bhutia ghatna” पसंद आयी तो हमारे फेसबुक और टवीटर पेज को लाइक और शेयर जरूर करें ।

Facebook.com/cbrmixglobal

Twitter.com/cbrmixglobal

Support/Donate Us (Bhim UPI ID) :cbrmix@ybl

Also read :   IAS ki kahani hindi motivational story (sabse shaktishali insaan)

Leave a Reply

Your email address will not be published. Required fields are marked *