Kamini ke upar usne kia vashikaran aur phir

Kamini ke upar usne kia vashikaran aur phir 2
Share this Post

Kamini ke upar usne kia vashikaran aur phir


Mere sabhi dosto ko mera namaskar or update me dary ke liye mafi chahunga.

Dosto ye ghatna ek aise ilm(tantrik vidya) ke bare me hai jiske asar ke bare me jaankar koi bhi ise sikhne ke liye taiyar ho jayega. Kitna accha lagta hoga sochkar ke koi ek insaan jise ap chahe or wo apke vash me ho jaye. Or isi vash me karne waali tantrik vidya ka naam hai Vashikaran. Kuch kaarno ki wajah se mene is ghatna me naam badal diya hai.

Kamini ke upar usne kia vashikaran aur phir 2

Kamini ke upar usne kia vashikaran aur phir

Kuch hafte pehle mene ek bus stand par ek ishtehaar padha tha, Manchaha Vashikaran, karya me baadhaa, pyar me nakami or na jane kya kya ke liye sampark
karen. Ye shabd “Vashikaran” mere dimaag me bas gaya or fir mene iske baare me apne guru se puchne ki thaan li. Mere guru sirf mere adhyatmik guru hain, wo

ek saadhak bhi hain magar ye sadhnaaye me unse nahi sikhta unka saanidhya mujhe param sukh deta hai wo mere mata pita ke bhi adhyatmik guru hain isliye me
bhi unka shishya hu.

Ek hafte baad jab me apne guru se mila to mene unse pucha ke Vashikaran kya hai? iski esi kya khasiyat hai jo ye baba tantrik log iske naam itna prachaar karte
hain or is kaam ke paise bhi ache vasool karte hain.
Unhone bataya ke “Vashikaran kisi ko vash me karne ki achook vidya hai. Vashikaran kisi bhi chiz ke dwara kiya ja sakta hai jese ki kapda, jisko pehen ne wala insaan tumhare vash me ho jayega or fir tum usse apna manchaha kar karwa sakte ho.”
“Kya Vashikaran ki vidya ka kaat nahi hai?” mene guru ji se sawal kiya.
Unhone haste huye kaha “Duniya me bahut hi kaam esi vidyaayen hain jinka kaat nahi hai. Vashikaran ka kaat bhi hai.”
mene fir ek sawal puchha “Agar ye vidya itni asarkarak hai to iska to galat istemaal koi bhi asaani se kar lega. Kya usko koi pakad payega?”
unhone kaha “Ye vidya jitni asarkarak hai utni hi samvedansheel bhi, Vash me karne wali is vidya ke saath ek bahut bada shraap bhi juda hai. Isliye ye vidya sirf unke liye hi uchit hai jinme dharti jesi sehensheelta or apaar sanyam ho.”

Fir unhone is vidya se judi ek ghatna udaharan ke taur par mujhe sunayi. Jiska ullekh me yahan karne jaa raha hu.
Kaafi waqt pehle Gwalior me ek samradh parivaar raha karta tha. Dhan-daulat, shohrat or rubab ki koi kami nahi thi unhe. Us ghar ke jo mukhiya the bahut hi

achi shaksiyat wale or insaaf pasad insaan the log unhe Thakur sahab ya fir lambardaar naam se hi pukarte the. Angrez bhi unki bahut izzat kiya karte the or azadi ke baad bhi unki shaan me na koi kami ayi or na hi koi fark nazar aya. Unke do bete or ek beti thi. Wo dono beto ki shadi kar chuke the jinme se ek doctor tha or ek videsh me padha hua magar pita ji ke saare kaam kaaj ka waris tha. Kheti baadi or baki jo pushteni peshe the un sab ki jimmedari isi ne samhaal rakhi thi.

Unki beti Kaamini, bhi apni padhayi puri kar chuki thi. Dekhne me atyadhik sundar Sanskaaro se susajjit, sidhi saadi, bholi si or bado ko aadar karne waali ek sarvgun sampanna ladki thi jiske liye ek ache var ki talash pita or bhaiyo dwara jaari thi. Apne pita or dono bhaiyo ki sabse jyada ladli thi wo. Uski har chhoti or badi khwahish ko pura karna un teeno ko apna dharm lagne laga tha. Uske kehne par hi teeno ne apne ghar ke kayi riwaz, saaz sajja or rehen sehen tak badal dala tha. Ghar ko phoolo se sajana, nayi kalakritiyo wale parde lagana, tarah tarah ke khaane banana usko bahut pasand tha.
Laad pyar me pali us ladli ke kaam ko koi kabhi nahi nakarta tha saare naukar chaakar sirf usse hi puch kar ghar ke kaam kiya karte the.

Ek din Kamini apni hi dhun me gungunati huyi apne haveli numa ghar ke bich ki manjil me tehel rahi thi shayad kisi khyal me doobi huyi thi. Halki baarish pad rahi thi, kuch log aksar barish ke mausam me kho se jaate hain esa hi kuch Kaamini ke sath bhi tha. Wo tehelte huye ek jagah khadi ho gayi or ghar ke saamne wali raah par girti barish ki bundo ko dekh rahi thi.
Achanak ajeeb si veshbusha wale ek insaan ko usne aate huye dekha wo barish se bachta hua or mast maula hokar apni hi dhun me chala ja raha tha. Jab wo thoda paas aya to Kaamini ne dekha ke wo koi saadhu tha jiske ek haath me trishool or ek hath me ek ghathri tangi huyi thi. Uski mast maula chaal ko dekh kar kisi maidhak ke uchhalne ke abhaas ho raha tha. Use dekh Kaamini apni madhur awaaz me jor se khil-khila kar has padi. Uski hansi ki awaz sunkar us saadhu ne sar utha kar dekha or samajh gaya ke wo uske upar hi has rahi hai.

Kamini ke upar usne kia vashikaran aur phir

Kamini ke upar usne kia vashikaran aur phir

Use bahut gussa aya, saadhu gusse me badbadata hua uske ghar ki taraf badha magar darvaano ko use bahar hi rok diya. Jab wo nahi mana to use wahan se dhakka dekhar bhaga diya. Saadhu gusse me badbadata hua apni raah ki or badh gaya. Bar bar mud kar wo Kaamini ki taraf dekhta or fir badh jata. Kaamini shaant hokar ye sab dekh rahi thi fir saadhu ke wahan se ojhal hone se pehle hi khud andar chali gayi.
Us din se saadhu ki neend ud gayi use kewal Kaamni ki sundarta or apne apmaan ka badla nazar aa raha tha. Usne kayi tikdam lagaye magar koi kaam na aya, kayi baar use Thakur ji ke ghar aas paas darwaano ne bhi dekha magar usne dubara andar jaane ki himmat nahi kari to darwaano ne bhi kuch nahi kaha. Usne kayi kiryaayen ki fir ek din uske hath ek kamjori lag hi gayi. Thakur sahab ka ek naukar roz subah jakar ghar me sajane ke liye phool le kar ata tha or un phoolo ko unke rango ke hisaab se Kaamini hi ghar me sajati thi. Bas yahin se use apne apmaan ka badla lene ka marg nazar aya.

Also read :   Kanpur ke Civil lines me Gora Kabristan ki ek darawani sacchi bhutia ghatna

Ek din jab naukar phool ka pura pulinda lekar aa raha tha tab wo saadhu bhi ghar ke kuch dur se hi uske piche piche lag gaya. Naukar ne is baat par dhyan nahi diya. Saadhu dhire dhire kuch badbadata or fir phoolon par fook deta is tarah usne kayi baar kiya or karte karte ghar tak pahuch gaya. Kaamini chhat par khadi phoolon ke aane ka intezaar karne lagi, usne dekha wo saadhu ghar ke bahar tak aya or Kaamini ko dekhte hi haath pair jhatakta hua apne raah par laut gaya.
Naukar phool lekar ghar me aya or Kaamini ne phoolo ko jese hi sungha uski ankho ke aage andhera chhaane laga or wo behosh ho gayi. Jab uski ankh khuli to wo apne kamre me thi uske aas paas sare ghar waale or ek do naukar the. Sab uski haal or behosh hone ki wajah jaanne ke liye bechain the magar usne jese kisi ko pehchana hi nahi bas bahar ki taraf bhagne lagi or kehne lagi mujhe jaane do mujhe jane do.
Sab ghabra gaye or uske doctor bhayi ne use nind ka injection deke sula diya ye baat sabki samajh ke bahar thi ke akhir use hua kya?. Fir in saab bato ko un logo ne Kaamini ke hosh aane par Kaamini se puchne ka hi faisla liya. Kaamini 2 ghante baad hi hosh aa gaya, shaant ankho me bechaini sab saaf saaf dekh rahe the. Uske bartaav me badlaav or bahar jaane ki jid ko lekar sab pareshan ho gaye or bilkul bhi deri na karte huye use manochikitsak(Psychiatrist) ke paas le gaye. Usne Kaamini ki jaanch ki or kuch batate huye dawaye or araam karne ki salah di. Lekin ab Kaamini bilkul badal chuki thi usme koi araam nahi tha, wo din bhar bechain ghar me idhar udhar ghumti rehti. Kisi ne bhi use akela nahi chhora tha har waqt uske mata pita uske sath hi rehte. Use bilkul bhi araam nahi aa raha tha, isliye Thakur sahab ne tantrik ki bhi salah lena uchit samjha.

Also read :   Jo chahoge wahi paoge ( hindi motivational story) prerak kahani

Thakur ji ne apne saare naukaro or rishtedaro se ache se acha tantrik dhundhne ko keh diya. Jyada mashakkat ke bina akhir kaar ek tantrik ko unka wafadar naukar dhund hi laya wo bhi kaabil tantrik ko. Kaamini ke aage wo log baat nahi karna chaah rahe the isliye Kaamini ko ek kamre me sula kar pura parivar us tantrik ko apni aap biti suna raha tha, use bhi bahut achambha hua ke achanak use kya ho gaya hai kese koi insaan itna badal gaya wo bina kisi bahar wale ke andar aaye. Fir us tantrik ne apne jhole se jarurat ka samaan nikala jo ki wo pehle se leke aya tha or fir Kaamini ko apne saamne laane ko kaha. Jab Kaamini ki maa or uski ek bhabhi use kamre lene gaye to unke paanv ke niche se jamin sarak gayi. Kaamini apne bistar par nahi thi wo khidki se kuch kapdo ko apas me bandh kar uske sahare utar kar bhaag chuki thi.

Ye baat kaamini ki maa ne aakar uske pita ji or us taantrik ko batayi. Tantrik ne unhe agaah kiya ki jaldi jaldi se use dhunda jaye warna anisht hone ki prabal sambhavna hai. Ghar ke saare naukar chaakar sab nikal pade alag alag disha me kaamini ko dhundne. Kaamini ka ek bhayi or mata pita wahin tantrik ke paas hi rahe kyuki unhe us tantrik ne wahin rukne ko kaha tha. Tantrik ne Kaamini ka ek kapda manga or kriya karne baith gaya.

Karib 5 minutes baad usne kaha ke “ap sab mere sath jaldi chaliye mujhe pata hai Kaamini kahan hai. Hume jaldi se jaldi pahuchna hoga us par Vashikaran ka asar hai.”
Kaamini ke mata pita or bhayi uske sath gaadi se us raah chal pade jahan jahan wo tantrik batata gaya. Raste me tantrik ne unhe saari baat bata di ki kese us saadhu ne phoolon ki jariye apna Vashikaran istemaal kiya hai.
Akhir kaar wo log us jageh pahuch gaye wo jageh thodi bahar ki taraf thi or sunsaan jagah par sirf ek jhopdi si bani huyi thi. Wo log jaldi se andar gaye or andar ka manjar dekh kar Kaamini ki maa behosh ho gayi or uske pita ko hridayeghaat ate ate reh gaya. Wahan par Kaamini ardhnagna avastha me behosh jamin par padi huyi thi or uske bagal usi saadhu ka trishul pada hua tha. Uske bade bhayi ne khud ko samhala or fir Kaamini ke upar apne kapde daal diye or baith kar rone laga. Jab uski maa hosh me aayi to wo Kaamini ke chehre par paani ki chhinte maar kar use hosh me laane ki koshish karne lagi.

Kamini ke upar usne kia vashikaran aur phir 1

Kaamini ko hosh aate hi use khud se ghin aane lagi thi us par se Vashikaran ka asar khatm ho chuka tha. Usne paas hi pade us saadhu ke trishul ko apne dil ke aar paar kar liya. Use hospital le jaate waqt usne raaste me hi dam tod diya.
Ye dekh us tantrik ne kaha “Us paapi saadhu ka ant kese hoga usne shayad ye socha bhi nahi hai.”
Krodh me bhadke uske bhayi ne kaha “Uski maut hum taye karenge ap kuch nahi karenge, sirf ye bataiye ke wo kahan chhupa hai.”
Kaamini ka antim sanskaar bina police ko bataye hi kar diya gaya uski wajah thi Kaamini ka naam badnaam hone se bachana. Uske pita bhayi or wo tantrik wapas us jhopdi me gaye wahan se us paapi saadhu ka ek kapda utha liya or fir aag laga di uski jhopdi ko. Uske kapde ke jariye tantrik ne us saadhu ko dhoondh nikala or kuch wafadaaro ke jariye Thakur sahab use dur ek gupt jagah par le gaye. Wahan use ek paid se baandh kar har 10 minut ke antraal par use tab tak patthar maare jab tak uski jaan na nikal jaaye. Wo chikta raha chillata raha or apni shaktiyo ko bhi bulaya magar sath me aaye us tantrik ke aage uski ek na chali or dardnaak maut uska anjaam hua.

To Dosto, mere guru ne yahi bataya mujhe ki jo bhi is Vashikaran vidya ka galat istemaal karta hai uski jindagi or maut dono dardnaak ho jaati hai. Iska upyog kewal galat raah par jaate insaan ko wash me karke sahi raah par lana hai na ki apne swarth ke liye is vidya ka istemaal karna. Jo bhi saadhak is vidya ka upyog kaam, krodh, lalach or swarth ko shant karne ke liye karta rahega uski jindagi or maut bhayanak hi hoti rahegi.

Also read :   Aurtein behad ajeeb hoti hain full hindi story on woman

“Kamini ke upar usne kia vashikaran aur phir” पसंद आयी तो हमारे फेसबुक और टवीटर पेज को लाइक और शेयर जरूर करें ।

Facebook.com/cbrmixglobal

Twitter.com/cbrmixglobal

Support/Donate Us (Bhim UPI ID) :cbrmix@ybl

Leave a Reply

Your email address will not be published. Required fields are marked *