Insaaf Mangti Atma-kanpur me 1982 ki sacchi ghatna 

Insaaf Mangti Atma kanpur me 1982 ki sacchi ghatna
Tags:
Share this Post

Insaaf Mangti Atma kanpur me 1982 ki sacchi ghatna 


Dosto, jab koi insaan kisi jurm ki wajah se jaan deta hai to uski atma bhi insaaf ki maang karne ke liye bhatakti hai. Kabhi apraadhi ko ye nahi sochna chahiye ki uska ye zurm chipa rahega ya kisi ko pata nahi chalega. Kabhi kabhi kudrat bhi ese karishme bhi kar deti hai ke jiski ummid apraadhi ko nahi hoti. Ye ghatna bhi ek kudrat ke karishme ka ansh hai…

Ye ghatna saal 1982 ke aas paas ki hai, ye kanpur ki sabse prasiddh ghatna hai jisne akhbaaro me bhi jagah le li thi. Ajkal ki yuva pidhi ko is ghatna ki jyada jankari nahi hai. Aj kal ke log bina dekhe kisi baat par vishwas nahi karte shayad yahi iski wajah hai. khair me ghatna par aata hu.

Insaaf Mangti Atma kanpur me 1982 ki sacchi ghatna

Insaaf Mangti Atma kanpur me 1982 ki sacchi ghatna

Ek raat ki baat hai Kanpur ki adalat ke Judge ke ghar 9 baje ke karib dastak huyi. Naukar ne darwaza khola. Usne dekha ek kisaan vyakti darwaaze par khada tha, dhoti pehne huye, sharir par ek matmela sa kurta or sar par kapda lapete huye, uske haath me ek mithaayi ka dabba bhi tha.

Naukar ne pucha “Kisse milna hai? kon ho tum?”

“Hume judge sahab se milna hai, unse kal kachehri me hone wale ek mukadme ke bare me baat karni hai.” Usne jawab diya.

Naukar ne kaha “Ruko me pehle sahab se puch lu?”
“Unse kahiyega ke agar wo mujhse na mile to naa-insaafi ho jayegi unse.” usne vinti karte huye kaha.
naukar andar gaya or kuch der baad wapas aya or kaha “Aa jao sahab milna chahte hai tumse.”

Wo judge acha insaan tha, unse us kisan ko apne sath bithaya or milne ka kaaran pucha. Kisaan ne mithayi ka dabba apne bagal me rakkha or fir

Kisan ne batana shuru kiya “Sahab 4 din pehle kanpur dehat me ek aadmi ka khoon kar diya gaya. Usne 4000 rupey udhar liye the ek zamidaar se magar fasal par barsaat

ke kaaran bura asar pada or wo rupey wapas na kar saka. Fir zamidaar ne use bahut pareshan karna shuru kar diya paiso ke liye. Usne kisi tarah 2000 rupey ka intezaam

to kar liya magar baki ke rupyo ka intezam nahi kar paya. Upar se zamidaar ne byaaj(interest) lagate huye kimat 6000 kar di thi.
Bahut mushkil tha intezaam karna magar usne uski majburi ko bilkul na samjha or uska ek khet bhi chheen liya. Wo samjha ke ab shayad ab zamindaar pareshan nahi
karega. Magar uski niyat uski behen par kharab ho chuki thi, usne fir byaaj ke rupyo ke liye pareshan karna shuru kar diya. Musibat ka pahad tut pada tha uspe, ghar me khane tak ke liye kuch nahi tha upar se uski roz roz ki dhamkiyo ne uska jeena muskil kar diya. Fir ek din usne uske muh par saaf saaf keh diya rupye nahi dene hain to mat do magar apni behen ko dedo tumhara karz maaf kar diya jayega.

Also read :   Coronavirus par ek pita ki dard bhari kahani

Insaaf Mangti Atma kanpur me 1982 ki sacchi ghatna 3

Ye baat sunkar wo bahut baukhla gaya or usne us zamindaar ko gusse me sabke samne ek thappad mar diya. Zamindaar ne is bejjati ka badla lene ke liye us ghatna ke teesre din yaani ke aaj se chaar din pehle usse badla lene ke liye uski hatya kar di. Kripa kar insaaf kar dijiyega sahab.”

Usne judge ke samne hath jor rakkhe the.
Judge ne usse pucha “tumhe kese pata ke usi zamidar ne uski hatya ki hai?”
“Ye baat sara gaon jaanta hai sahab magar kisi me itni himmat ki ke uske khilaaf ja sake police bhi usse mili huyi hai sahab.” usne udasi bhare swar me kaha or hath jod kar hi baatein kar raha tha.
Judge ne fir pucha “Thik hai, jara ye batao uski hatya huyi kese?”
Usne bataya “Sahab us raat ko wo jab so raha tha to achanak gaon ka ek admi Dhiru uske paas aya or kaha ke talab ke paas jo uska khet hai usme kisi ne laash faik di hai. Ye sunke wo bina soche samjhe pareshan hoke khait ki taraf daud pada. Khet tak pahuchne se pehle hi use zamidaar or uske admiyo ne pakad kar ek ghaadi me baithaya or gaon se dur gaon ke paas ek sukha kuan hai wahan le gaye. Wahan un logo ne pehle usse khoob pita fir hasiye se zamidaar ne pehle uski gardan par waar kiya, gardan puri kati nahi magar khoon behna shuru ho gaya fir usne usi hasiye se uska pait faad diya or fir use usi sukhe kuyen me faik kar wahan se chale gaye.”
Fir wo thoda chup hua. Judge sahab usi ko dekhte huye kuch soch rahe the.
Usne fir bolna shuru kiya “Sahab humare gaon ke bahar ek gadahi (atyant gehre talab ko gadahi kehte hai) hai. Unhone wo sare hathiyar jisse unhone mara or fir kaataa tha usi gadahi me faik rakkhe hai. Sahab kripa kar insaaf kijiyega warna wo log uski behen ke saath bhi kuch galat kar denge.”
Is baat judge ki ankhein chaudi ho gayi. Unhone pucha ” police ko wo hathyaar nahi mile?”
Usne kaha “Sahab police bhi mili huyi hai. Agar gaaon wale shor na karte to police laash ko bhi wahin dafan kar deti.”
Judge ki baat samajh me aa gayi thi. Judge ne socha ye aadmi gavahi dene se dar raha hai isliye yahan aya hai sari baat batane khair dekhte hain wakil kya kahega.
“kab ane wala hai ye case adalat me?” judge ne pucha.
“Sahab ji kal apke saamne hoga.” usne kaha.
“Thik hai, jo kuch bhi tumne bataya me us baat ko dhyan me rakhunga or daro mat insaaf hi hoga. Kya naam hai tumhara?” judge ne santvana di or fir pucha.
“Ji mera naam Goverdhan hai, usi gaon me rehta hu.” usne jawab diya.
uske chehre par thodi khushi nazar aa rahi thi.
Fir usne mithayi ka dabba uthaya or Judge ki taraf bada diya.
“Ye kya?” judge ne pucha.
“Sahab hum mithayi laye hain apke liye.” usne kaha.
Judge ne muskura kar wo mithayi le li. Raat me thodi der pure ghatnakram par vichar karne ke baad wo so gaye.

Also read :   Upar wale kamre me jarur koi rehta hai hindi ghost story

Agle din wo usi case ke aane ka intezar kar rahe the. Jab case file unke samne aayi to unhe thoda aashcharya hua ke Goverdhan Hatyakaand kahin esa to nahi wo admi apna naam chhupane ke liye katil ka hi naam bata gaya kal raat mujhe.

Jab unhone file khol ke dekhi to unke hosh ud gaye ye wahi aadmi tha jo unke ghar biti raat mithayi lekar aya tha. Unhe chakkar aane laga, Na unhone wakeel ki daleelein suni na hi koi file me likhi baat par dhyan diya. Isse pehle wakil kuch bolta unhone special investigation ke aadesh de diye.

Insaaf Mangti Atma kanpur me 1982 ki sacchi ghatna 2

Ghar jaa kar dekha to wo mithayi dabba abhi bhi wese hi rakha tha. na unki patni ne khola tha na bachcho ne. Unhone jab dabba khola to usme 7 tarah ki mithayi thi.
Uske baad Us ghatna ki tahakikaat kar rahe logo ko us judge ne bulaya or har us jagah unke saath gaya jo jo us raat us aadmi ne batayi thi. Saari baatein sach nikli or fir saare hathyaar bhi baramad huye.

Us zamidaar ko sajish ke tehet hatya ke zurm me faansi ki sazaa sunayi gayi. Saza sunane ke baad hi judge ne us mithayi ko khaya Jo wo dhanyawaad ke taur par pehle hi de chuka tha. Fir patrakaaro ke samne saari baatein saaf saaf batayi. Kisi ko bhi jaldi vishwas na hua magar police ye baat maan chuki thi or fir sabko ye baat maanni padi.

Dosto, kabhi bhi koi galat kaam karte waqt ye nahi samajhna chahiye ke hume koi nahi dekh raha ya humra kon kya bigaad lega. Niyati wo chiz hai jo har kisi ke sath insaaf karti hai. Ek sabse badi mahashakti hume hamesha dekhti hai or dekhti rahegi usse kuch bhi nahi chhupa..!!


“Insaaf Mangti Atma kanpur me 1982 ki sacchi ghatna” पसंद आयी तो हमारे फेसबुक और टवीटर पेज को लाइक और शेयर जरूर करें ।

Facebook.com/cbrmixglobal

Twitter.com/cbrmixglobal

Support/Donate Us (Bhim UPI ID) :[email protected]

Also read :   Apno ki Jarurt best hindi story

Leave a Reply

Your email address will not be published. Required fields are marked *