Combined Hospital me Nana Rao Peshwa ji ka bhoot aya

Combined Hospital me Nana Rao Peshwa ji ka bhoot aya 1
Share this Post

Combined Hospital me Nana Rao Peshwa ji ka bhoot aya


Ye baat tab ki hai jab meri mata ka bhi janm nahi hua tha, ye ghatna mene apni naani or apne mama se bhi suni hai. Me ise sirf kahani maan kar bhul jata magar mere kuch jaan pehchan ke logo ne bhi jo iss hospital me kaam kar chuke hai esi ghatna or Nana Rao Peshwa ki mojudgi ka satyapan karte hain.

Combined Hospital me Nana Rao Peshwa ji ka bhoot aya

Combined Hospital me Nana Rao Peshwa ji ka bhoot aya

Ab me sidha us ghatna par ata hu. Meri nani jab Kanpur rehne ayi thi to wahan ki abadi jyada nahi thi wahan kuch log hi kaam karte the mere nana us hospital me Langer incharge the jo ki marijo ke khane pine ki vyavastha sambhalte the.
Meri Nani ke ek padosan thi jo ki meri naani ki achi saheli bhi thi or us waqt pet se thi. Khair wo delivery ke liye us combined hospital me admit huyi. or Sham ke waqt karib 4 baje unhe putra sukh mila. Unke wo putr umar me meri maa se bhi jyada bade hai or abhi wahi rehte hain. Hum unhe bade mama kehte hain.
Unhe delivery ke baad labour room se dusre room me shift kar diya gaya. Us room me do bed the ek bed khali tha. Wo wahi leti huyi thi apne bete ke sath, unhe pati jo ki wahan se thodi dur factory me kaam karte the. Unki night duty thi isliye wo unhe usi hospital me chhor kar apni duty par chale gaye. Unki duty army essential duties me se ek thi jinhe us waqt chorna mushkil tha. Khair us hospital ke log unhi ke pehchan wale hi the to unhe kisi baat ka dar nahi tha isliye wo unhe or bete ko chhor kar apni duty chale gaye.

Thodi der baad wahan kuch hospital staff ke log ek aurat ko leke aye usi room me. or us aurat ko utha kar us room me pade dusre bed par leta diya. Unhone hospital staff se pucha “Kya hua inhe?”
ek ward boy ne jawab diya “kuch nahi kafi din se bukhar aa raha hai isliye aj inhe bharti kar liya hai or doctor ne neend ka injection de diya hai.”
Wo nishchint ho gayi or so gayi. Karib 8 baje unke liye khana laya gaya jo hospital ki taraf se tha. Wo khana kha hi rahi thi ke tabhi kuch log ek aurat ko leke andar aye jiski delivery hone wali thi, wo dard se chilla rahi thi. Wo log use leker usi kamre ke age se guzre jisme wo admit thi.
Jab nurse bartan lene wapas ayi to unhone usse us aurat ke bare me pucha to nurse ne bataya ke doctor ane wali hai koi khas baat nahi hai.
Fir unhone us aurat ke bare me pucha wo dusre bed par thi to nurse ne kaha ke “wo neend ke injection ki wajah se gehri neend me hai ese me unhe khane ke liye uthana thik nahi hai.”

Also read :   Har Kisi ko saath ki jarurat hoti hai full hindi kahani

Uske baad unhone thodi der us dusre aurat ki taraf dekha or let ke so gayi. Raat ko jab ek baje ka ghanta baja to unki ankh khul gayi unhone apne bete ko dekha or fir sone ki koshish karne lagi. Tabhi kisi ke chalne ki awaz ayi jese koi juta pehen kar aa raha ho. Darwaja thoda sa khula tha wo admi wahi aake khada hua. Unhone us admi ko gaur se dekha karib 7′ ka gora admi tha pair me kaale jute mauje, half pant or half shirt pehni thi safari suit jesi, sar par hat laga rakhi thi or kaan me lurki(Sone ka mota mardana tup jo ek kaan me pehna jata hai) pehni huyi thi.
Unhone nani ji se pucha “Koi hai yahan?”
unhone jawab diya “Nahi baba, sab aage hain.”
“Acha thik hai.” unhone nani ji ko jawab diya or aage badh gaye. unke chalne ki saaf awaz unhone suni or ye socha ki shaam ko jo aurat ayi thi delivery ke liye ye unhi ke rishtedar honge. Ye soch kar wo wapas so gayi.

Subah jab meri nani unke paas pahuchi to wo nashta kar rahi thi. Mere nana ji us waqt duty par hi the.
Unhone meri naani se kaha “kal jo aurat ayi thi usko kya hua beta ya beti?”
Nani ne jawab diya “beti huyi hai.”
Fir unhone kaha ke “us aurat ke shayad sasur ya koi rishtedar aye the raat ko ek baje puch rahe the ki kahan hain sab.”
Nani ko ye sun kar shock laga kyuki 11 baje ke baad hi hospital ka gate band kar diya jata tha sirf emergency case hi aa sakte the.
nani ne pucha “Dikhne me kese the wo?”
Unhone jesa jesa dekha tha bata diya. Nani ne dhimi awaz me kaha “Meri ma, tumhe kahan mil gaye wo. Wo Nana peshwa the is jagah ke asli maalik ek zamane pehle guzar chuke hain.”
Ye sun kar unke bhi hosh ud gaye. unhone pucha “Kya yahan bharti hone wale har rogi ko wo milte hain?”
Nani ne jawab diya “Nahi, jab kuch galat hota hai tabhi ate hain.” mere nana ye baat nani ko batayi thi mere nana bhi unhe dekh chuke the.
Fir nani ne jakar nana ko bula liya or saari baat bata di, nana bhi soch me pad gaye ki kya galat hua hai.
Fir nana ji ne unse pucha “Ye aurat kon hai?”
“Pata nahi, kal se ese hi padi hai. koi milne wala bhi nahi aya. Neend ka injection diya gaya hai inko.” unhone jawab diya.
Mere nana ji ne jakar us aurat ki nabz check ki. Uske baad bina kuch bole wahan se chale gaye.Combined Hospital me Nana Rao Peshwa ji ka bhoot aya 1
Bahar jaate hi hungama khada kar diya unhone. Kyuki unhone badi nani ji ke sath us room me ek laash ko leta diya tha.
Sare night staff walo ko bulaya gaya. Sabne apni galati maani or bataya ki wo murda ghar tak jaane me dar rahe the joki hospital ke bahar tha.
Sirf ye jagah khali thi isliye unhone us laash ko wahin rakh diya or durbhagyawash use subah hatana bhul gaye.
Uske baad nana ji ne esi maaf na ki sakne wali galati ke liye us staff ki complaint kar di. or 4 logo ko nikalwa diya gaya.
Jab unke husband aye to wo badi nani ji ko usi waqt discharge karwa kar ghar le gaye or hospital me rehne se mana kar diya.

Also read :   Kaun hoon main full hindi story on Shri Guru Govind singh

Dosto mere Nana ji mujhe bataya tha ke Nana Rao Peshwa isliye aye the taaki badi nani ji dare nahi magar nani ji ko pata hi nahi tha ki bagal wali aurat marij nahi ek laash thi isliye wo bilkul bhi nahi dari.

Is hospital me night shift me kaam karne wale aksar unki mojudgi ki baat ko mante hai. Unhe kam hi logo ne dekha hai magar Unke juto ki awaze aj bhi kabhi kabhi night staff k logo ko sunayi deti hai.


“Combined Hospital me Nana Rao Peshwa ji ka bhoot aya” पसंद आयी तो हमारे टवीटर पेज को फॉलो जरूर करें ।

Pinterest.com/cbrmixofficial

Twitter.com/cbrmixglobal

Support/Donate Us (Bhim UPI ID) :cbrmix@ybl

Also read :   Kuch samay apno ke liye

Leave a Reply

Your email address will not be published. Required fields are marked *